станува збор за три хотели, два ресторана, здравствена установа за бањско лекување, два затворени базени со термоминерална вода, две отворени фудбалски игралишта, патеки за трчање и детско игралиште.
Хотелски услуги
Хотелот Јасен е со капацитет од 126 легла. Во овој хотел има 6 апартмани со спална соба и дневна соба со ТВ, ДВД, безжичен интеренет пристап, телефон, клима уред, фрижидер, тераса, тоалет и бања. Хотелот има и 13 еднокреветни соби опремени со ТВ, телефон, фрижидер, клима уред. Двокреветните соби се опремени со ТВ и телефон. Термоминералната вода е достапна во бањите на секоја хотелска соба.
Хотелот Илинден располага со 88 легла, распоредени во двокреветни и трокреветни соби. Сите соби имаат бања и тераса.
Хотелот Бужор има 68 легла, распоредени во двокреветни и трокреветни соби.
Сите соби имаат бања и тераса.
Ресторански и кетеринг услуги
Негорски Бањи располагаат со 2 ресторани и летна градина. Едниот ресторан е отворен и за гости кои не се сместени во хотелите на Негорски Бањи, тој е поврзан со летната градина, а другиот е пансионски, се наоѓа во рамките на хотелите и има капацитет за 250 посетители. Во рестораните на Негорски Бањи се организираат свадбени и роденденски свечености. Кујната на Негорски Бањи нуди и кетеринг услуги.
Здравствени услуги
За здравјето на нашите пациенти и посетители се грижи тим од лекари специјалисти по физикална медицина и рехабилитација, лекар по општа медицина, медицински сестри, физиотерапевти и масери.
Бањската вода помага при лекувањето на следниве болести:
Ревматски заболувања - зглобен и вонзглобен ревматизам;
Дегенеративни заболувања на коските и зглобовите и `рбетниот столб, артрози, дискус хернија, спондилозa
Пострауматски и постоперативни состојби во ортопедијта;
Заболувања на нервниот систем - состојби по мозочен удар, парези на периферните нерви неуропатии, мултиплекс склероза, церебрална парализа, миелити, радикулопатии;
Заболувања на гастроинтестиналниот систем – гастритис, чир на желудникот и дванаестпалачното црево, воспаление на жолчката и жолчните патишта, хронични воспаленија на дебелото црево;
Кожни заболувања – псоријаза, егземи.
Заболувања на уринарниот систем - воспаленија на мочните патишта, камења во бубрезите;
Кардиоваскуларни заболувања - циркулаторна инсуфициенција на периферни артерии од различна етиологија, почетна артериска хипертензија.
Нарушувања на менструалниот циклус, аменореа, стерилититет, хронични воспаленија на јајниците и јајцеводите;
Респираторни заболувања - ларингити, хронични бронхити, бронхиектазии, бронхијална астма.
Латентен дијабет.
Остеопороза
Бањите се опремени со најмодерната апаратура за сите видови терапија од полето на физикалната медицина и рехабилитацијата.
